20 июнь куни Испанияда фавқулодда ҳолат бекор қилингач, 22 июнь куни Барселонадаги Лисео опера театрининг торли чолғу асбоблари квартети карантиндан кейин илк бор концерт берди. Бу ҳақда Meduza сайти хабар берди.

Жакомо Пуччининг «Хризантемлар» миниатюраси ижро этилган ушбу концертнинг тингловчилари 2292 та хона ўсимлиги бўлишди.

instagram.com/bbcnews

Ушбу ғоянинг муаллифи испаниялк рассом Эухенио Ампудиа. Карантин давомида у инсон ва табиат ўртасидаги муносабатлар ҳақида фикр юритади ва шу йўл билан уларнинг бирлигини мустаҳкамлашга қарор қилди.

Концертдан кейинги кун «мусиқадан таъсирланган» гултуваклари Барселона касалхонасидаги шифокорларга уларнинг жасорати ва меҳнатлари учун миннатдорчилик сифатида тақдим этилди.


instagram.com/bbcnews

Ҳар бир тувакка рассомнинг дастхати ва у «ўтирган» жойи кўрсатилган карта қўйилган эди. Театрнинг бадиий раҳбари Виктор Гарция де Гомарднинг сўзларига кўра, концерт пайтида ўсимлик эгалари уларни фотосуратда топишлари учун юқори аниқликдаги расмлар олинган, дея хабар беради Afisha.uz.