Қозоғистоннинг Олмаота вилояти ҳокими Омондиқ Баталовнинг коронавирусга топширган тести ижобий чиқди. Ҳокимда коронавирус касаллиги белгиларсиз кечмоқда. Бу ҳақда вилоят администрацияси матбуот хизматига таяниб, Tengrinews.kz ҳабар беради. Ҳозирда Олмаота ҳокими ўзини ўзи изоляциялаган.
Шунингдек, Бишкек шаҳар ҳокимияти матбуот котиби хабар беришича, Бишкек ҳокими Азиз Суракматовда ҳам коронавирус инфекцияси аниқланган. Хабар берилишича, ҳокимда касаллик оғир белгиларсиз кечмоқда.
Сўнгги маълумотларга қараганда, коронавирус инфекцияси Қирғизистон Жогорку Кенешининг яна бешта депутатида аниқланган. Шу пайтгача Қирғизистон парламентсининг «Кыргызстан» фракцияси аъзоси Бейшеналы Нурдинов ва Жогорку Кенеши матбуот котиби Ибраима Нуракун уулуда коронавирус аниқлангани ҳақда хабар берилган эди. Қирғизистон парламентидаги депутатларда аниқланган янги бешта ҳолатнинг учтаси СДПК фракциясидагилардан, биттаси «Бир Бола» фракциясидан ва «Онугуу-Прогресс» фракцияси депутатида аниқланган.
Эслатиб ўтамиз, аввалроқ Қозоғистоннинг биринчи президенти Нурсултон Назарбаевда коронавирус касаллиги аниқлангани ҳақда хабар берилган эди.
