15 майдан Эстония, Латвия ва Литва Болтиқбўйи давлатларидан бўлган саёҳатчилар учун ўз чегараларини қайтадан очди, деб ёзмоқда Эстониянинг ERR.ee нашри. Бироқ Эстония ва Латвия ўртасидаги чегара назорати бекор қилинган бўлса ҳам, Литвага киришда яна ҳужжатларни кўрсатиш керак бўлади.
Болтиқбўйича давлатлари бўйича ушбу давлатларнинг фуқаролари ва уларда яшаш ҳуқуқига эга шахслар, сўнгги 14 кун ичида мазкур мамлакатлардан ташқарида бўлмаган, касалликка чалингани ёки COVID-19 юқтирган шахс билан мулоқотда бўлгани сабабли ўзини ўзини изоляция қилишга олинмаган ва нафас йўлларида касаллик аломатлари мавжуд бўлмасалар, ҳеч қандай тўсқинликларсиз ҳаракатланишлари мумкин.
Бошқа мамлакатлардан Болтиқбўйи давлатларига кириб келган барча шахслар икки ҳафта карантинда қоладилар.
«Учта давлат — Эстония, Латвия, Литва — ўртасида ҳаракатланиш [15 май] соат 12 дан бошлаб эркин бўлди. Бироқ киши, масалан, эстониялик учта Болтиқбўйи давлати ташқарисидан, Германия ёки яна қаердандир келадиган бўлса, икки ҳафтани карантинда ўтказишини ҳисобга олиши керак. Бу қоида қолади. Биз бу ерда, чегарада ишлашда давом этмаймиз, бироқ ўз фаолиятимизни йўлларда давом эттирамиз», — деди Ляэне уезди раҳбари Кайдо Киплас.
