Ўзбекистон ҳукуматининг 23 апрелдаги қарори билан коронавирус пандемияси даврида 2020 йилнинг 1 майидан 31 декабрига қадар тиббий буюмлар учун хом ашё экспорти ҳамда цемент импортига вақтинчалик чекловлар жорий этилмоқда. Бу ҳақда Вазирлар Маҳкамаси матбуот хизмати «Газета.uz»га хабар қилди.
Мазкур қарор мамлакатдаги кўплаб қурилиш объектларида ишлар тўхтаб қолгани натижасида цементга бўлган талабнинг тушиб кетгани ҳамда миллий ишлаб чиқарувчиларни қўллаб-қувватлаш мақсадида қабул қилинди.
Тиббий буюмларни ишлаб чиқариш учун хом ашё экспортига вақтинчалик чекловлар эса ички бозорни барқарор таъминлаш мақсадида жорий этилмоқда, дея қайд этилади хабарда.
