Дарслик чоп этувчи нашриёт корхонларининг фаолият юритишига рухсат берилди. Бу ҳақда Республика махсус комиссиясининг тегишли қарор қабул қилди.
Қарорга кўра, 2020−2021 ўқув йилида умумтаълим муассасаларини дарслик ва ўқув-методик қўлланмалари билан тўлиқ ва ўз вақтида таъминлаш мақсадида уларни нашрга тайёрлаш ҳамда чоп этиш ишларига жалб этилган давлат ва хусусий нашриёт-матбаа корхоналарининг фаолият юритишига рухсат берилди.
Ушбу корхоналарнинг фаолияти ҳудудий Санитария-эпидемиология осойишталик марказлари билан биргаликда санитария-гигиена тадбирларига риоя этилган ҳолда амалга оширилиши кераклиги белгиланган.
Фаолият даврида санитария ва гигиена қоидаларига тўлиқ риоя этилиши, ходимларга овқатланишни ташкил этиш, шахсий гигиеник воситалар билан таъминлаш учун шахсий жавобгарлик тегишли корхона раҳбарлари зиммасига юкланади.
