Жума куни 15 нафар маслаҳатчи ва тиббий экспертдан иборат гуруҳ COVID-19 тарқалишига қарши курашишда ёрдамлашиш учун Хитойдан Ўзбекистонга йўл олди, дея хабар берди ХХРнинг Тошкентдаги элчихонаси матбуот хизмати.

Дипломатик ваколатхона Хитой делегациясини кузатишга бағишланган тадбирдан видеолавҳани эълон қилди. Унда маросим иштирокчилари «Хитойдан Ўзбекистонга қўшма ишчи жамоа» ёзувли транспарантни кўтариб олгани акс этган.

Айни пайтда Хитойнинг ўзида коронавирус билан боғлиқ вазият барқарор. РИА Новости маълумотларига кўра, мамлакатда ҳозирда 1549 та хорижий мамлакатлардан олиб келинган коронавирус инфекцияси ҳолатлари аниқланган. 879 киши касаллик билан оғриётган бўлса, 45 нафарининг аҳволи оғир, 670 киши эса соғайган. Чет элдан Хитойга келган кишиларнинг бирортаси ҳам инфекциядан вафот этмаган.

Март ойи охири ва апрелнинг бошида ўтган йилнинг декабрида янги турдаги коронавирус билан касалланиш ўчоғига айланган Хитойнинг Хубэй провинцияси ҳамда унинг маъмурий маркази Ухан шаҳрида карантин чекловлари бекор қилинди.