Ҳуқуқшунос ва блогер Хушнудбек Худойбердиев Telegram-каналидаги реклама акциясидан тушган маблағларни коронавирус инфекциясига қарши курашиш учун хайрия қилди.
Блогернинг қайд этишича, 28 март куни каналида ижтимоий акция эълон қилган. Унга кўра, 1 ой давомида корхона ва тадбиркорлар учун @xushnudbek каналида реклама жойлаштиришга катта чегирма белгиланган.
Мазкур акция доирасида 5 кун ичида каналда берилган рекламалардан 30 млн сўм келиб тушган ва 2 апрель куни ушбу маблағлар «Меҳр-шафқат ва саломатлик» жамоат фонди ҳисобига ўтказиб берилган.
