Умумий ўрта таълим мактабларида қишки таътил 2019 йилнинг 28 декабридан бошланиб, 2020 йилнинг 10 январь куни якунланади, дея хабар қилди Ўзбекистон Халқ таълими вазирлиги матбуот хизмати.

Қишки таътил бошланиши билан 2019−2020 ўқув йилининг иккинчи чораги ўз якунига етади ва 2020 йилнинг 11 январидан учинчи чоракнинг биринчи куни бошланади.

Эслатиб ўтамиз, олий таълим муассасалари талабалари ҳамда академик лицей ва коллежлар ўқувчилари учун қишки таътил 20 декабрдан бошланиб, 6 январгача давом этади.