Тошкент давлат иқтисодиёт университети (ТДИУ) ректори Баҳодир Юнусович Ходиев эгаллаб турган лавозимидан озод этилди, дея хабар беради Олий ва ўрта махсус таълим вазирлиги матбуот хизмати «Газета.uz»га.
Ректорни ишдан бўшатиш тўғрисидаги қарор президент маслаҳатчилари Шерзод Қудбиев ва Абдужаббор Абдувоҳидов, шунингдек, Давлат хавфсизлик хизмати, Бош прокуратура вакиллари ва бошқалар билан учрашувда қабул қилинди.
Баҳодир Ходиев ТДИУни 2016 йил май ойидан буён бошқариб келаётган эди. 2015 йилдан Ўзбекистон бош вазири ўринбосари, Вазирлар Маҳкамасининг Ёшлар сиёсати, таълим, маданият ва спорт масалалари комплекси раҳбари бўлган. Илгари, 2014 йил апрель ойидан бошлаб у президентнинг фан, таълим ва маданият масалалари бўйича давлат маслаҳатчиси бўлиб ишлаган, бунга қадар 2010 йил март ойидан бери олий ва ўрта махсус таълим вазири, аввал эса шу университет — ТДИУ ректори бўлиб ишлаган.
Олий ва ўрта махсус таълим вазирининг биринчи ўринбосари Конгратбой Авезимбетович Шарипов Тошкент давлат иқтисодиёт университетининг янги ректори этиб тайинланди.
Фото: Олий таълим вазирлиги матбуот хизмати.
Конгратбой Шарипов Олий 2017 йил май ойидан бери таълим вазирлиги раҳбарининг биринчи ўринбосари бўлиб ишлаб келаётган эди. Бир неча йиллар давомида у Тошкентдаги Турин политехника университети ректори (2009−2010 ва 2017−2019), ушбу университетнинг молия ва иқтисодиёт бўйича биринчи проректори (2010−2017), GM Uzbekistan янги лойиҳаларни бошқариш бўйича бош менежер (2009) ва бошқа лавозимларда фаолият кўрсатган.
