«Ўзбекистон темир йўллари» компанияси 29 октябрдан «Мискин — Нукус — Бейнеу (Қозоғистон)» йўналиши бўйича ҳар кунлик йўловчи рейсини ишга туширди, дея хабар берди компания.
Поезд Тўрткўл, Элликқалъа, Беруний, Бадай, Қораўзак, Кайбакли ва Назархан бекатларида тўхтаб ўтади.
«Газета.uz»нинг Нукус вокзали маълумотхонасидан аниқлик киритишича, поезд Мискиндан 00:07 да йўлга чиқади ва Нукусга 3:32 да етиб боради, у ердан 4:12 да чиқиб, Бейнеуга 18:20 да етиб боради.
