Олмазор туманидаги 146-мактабнинг 9-синф ўқувчиси худди шу мактабнинг ўнинчи синф ўқувчисини пичоқлади. Бу ҳақда Тошкент ИИББ матбуот хизмати хабар қилди.
Бу ҳақдаги хабар 21 октябрь куни соат 10:00 да 102 рақамига хабар келиб тушди. Бошқарманинг қайд этишича, 15 ёшли мактаб ўқувчиси 16 ёшли А. Г. билан муштлашар экан, унинг орқа қисмига пичоқ санчган.
Тан жароҳатлари олган ўсмир шифохонага ётқизилди. Терговга қадар текширув ўтказилмоқда.
