Ўзбекистонлик гимнастикачи Оксана Чусовитина 2020 йили Токиода бўлиб ўтадиган Олимпия ўйинларида иштирок этади. Бу ҳақда 44 ёшли спортчи ўзининг Facebook саҳифасида маълум қилди.
«Ниҳоят сизга ўзимнинг 8- марта Олимпиада тушганим ҳақида расман хабар қила оламан. Барчангизга қўллаб-қувватлаганингиз ва менга ишонганингиз учун катта раҳмат айтишни хоҳлардим. Биз буни биргаликда қилдик», — деб ёзди у.
Спортчи Ўзбекистон учун олимпия медалини ютишни орзу қилмоқда.
«Мен етти бор Олимпиадаларда қатнашдим. Мен Собиқ Иттифоқ учун олтин медални қўлга киритдим, мен менга ёрдам берган (ўғлининг даволаниши учун) давлат — Германия учун кумуш медал ютдим. Бироқ ҳеч қачон Ўзбекистон учун ҳеч қачон медал ютмаганман. Менинг орзуим — Ўзбекистон учун олимпия медалини ютиш. Рио-де-Жанейродаги Ўйиндан кейин каръерамни якунлаш-якунламасликни ўйладим, мен яна қила олишимни, менда қувват борлигини ўйладим. Мен яна бир марта синаб кўрмасам, у ҳолда умримнинг охирига қадар бундан афсусланаман, деб ўйладим», — деди у.
Оксана Чусовитина етти бор (1992, 1996, 2000, 2004, 2008, 2012, 2016) ёзги Олимпиадада иштирок этган ҳолда Гиннеснинг рекордлар китобига киритилган. Спортчи СССР, Германия (2006−2012) номидан майдонга чиққан, айни вақтда эса Ўзбекистон номидан иштирок этмоқда. Чусовитина — 1992 йили жамоавий баҳсда олимпия чемпиони, уч карра жаҳон чемпиони, Европа чемпиони, Осиё ўйинлари чемпиони бўлган. У таяниб сакрашга ихтисослашган.
