22 сентябрь куни соат тахминан 15.30 ларда Тошкент вилоятининг Бўстонлиқ туманида Тошкент-Чимён автомобиль йўлининг 81 километрида автотураргоҳда тўхтаб турган Golden Dragon туристик автобуси йўлдан чиқиб, пастликка тушиб кетди. Ҳодиса акс этган фотосуратлар ижтимоий тармоқларда тарқалди.
Тошкент вилояти ИИББ матбуот хизматининг хабар қилишича. Ҳодиса вақтида автобусда ҳеч ким бўлмаган. Нейтрал тезликда турган машина ўз-ўзидан ҳаракатлариб, 30−40 метр масофани босиб ўтган ва 10 метр пастликка тушиб кетган.
Автобус 2016 йилда ишлаб чиқарилган ва техник соз ҳолатда бўлган. Унда ҳиндистонлик 20 нафар сайёҳ олиб кетилаётган эди.
Мазкур ҳолат натижасида, ҳеч ким тан жароҳати олмаган автобус техник шикастланган бўлиб, қисқа муддатлар ичида уни чиқариш чоралари кўрилган.
