Фанлар академияси тизимида давлат муассасаси шаклидаги Миллий археология маркази ташкил этилди. 21 сентябрь куни Ўзбекистон Вазирлар Маҳкамаси археологик тадқиқотларни тубдан такомиллаштириш тўғрисидаги қарорни қабул қилди, дея хабар қилди Адлия вазирлиги матбуот хизмати

Қарор билан Археологик тадқиқотлар институти негизида Я.Ғуломов номидаги Самарқанд археология институти ҳам ташкил этилди.

Марказнинг асосий вазифаларидан бири археологик тадқиқотларни илмий-услубий жиҳатдан йўналтириш ва археологик изланишларда замонавий тадқиқот услубларини кенг қўллашдан иборат.

Қарорга кўра, очиқ осмон остидаги музейларда ва археология намойиши объектларида давлат-хусусий шериклик шартларида:

ташриф буюрувчиларга кириш чипталари замонавий ахборот технологияларидан фойдаланган ҳолда сотилади;

миллий ҳунармандчилик маҳсулотлари савдо шахобчалари, шу жумладан уларни тайёрлаш бўйича маҳорат дарслари ташкил этилади;

замонавий санитария-гигиена шахобчалари ташкил этилади.

2021 йилдан бошлаб ҳар икки йилда бир марта Наманган вилоятида Ахсикент ёдгорлиги асосида кенг халқ оммасига тарих билимини тарғиб этиш ҳамда туризмни ривожлантириш мақсадида «Ўтмишга саёҳат» халқаро тарихий-маданий фестиваль ўтказилади.