Украиналик халқаро тоифадаги триатлет Виктор Земцев триатлон бўйича Ўзбекистон терма жамоаси бош мураббийи бўлди, дея хабар қилди Триатлон федерацияси матбуот хизмати «Газета.uz»га хабар қилди.
Виктор Земцев — триатлон бўйича Ironman мусобақаларининг ўн карра ғолиби, аввал Z Iron Team бош мураббийи ва RedLava Team жамоаси капитани бўлган. 2005 йилги ITU Long Distance жаҳон чемпионати ғолиби, 2017 йилги ITU Европа чемпионати совриндори ва кўп карралик Украина чемпиони.
Яқин вақтларда Ўзбекистон спортчилари Акаба (Иордания) шаҳридаги мусобақалар ҳамда Ўзбекистон Кубоги финал босқичида иштирок этади. Ушбу мусобақалардан сўнг, мураббий сўзларига кўра, терма жамоа шакллантирилади.
«Ўйлайманки, терма йил давомида тўлдирилади ва ўзгартирилади, чунки эришганлар билан тўхтаб қолмайди. Ҳозир мен 10 спортчи билан ишлаяпман ва мамлакат миқёсида бу очиқчасига етарли эмас», — деди Виктор Земцев. «Айни вақтда бирламчи вазифа, бу — халқаро майдонга чиқиш, биринчи навбатда кубоклар ва Осиё чемпионатлар даражасидаги муваффақиятларга эришиш», — дея қўшимча қилди у.
Эслатиб ўтамиз, март ойида Президент хавфсизлик хизмати раисининг биринчи ўринбосари ва давлат раҳбарининг куёви Отабек Умаров Триатлон федерациясига раҳбар бўлган эди.
