29 август куни Ўзбекистон ташқи ишлар вазири Абдулазиз Камилов мамлакатдаги дипломатик фаолиятини якунлаётган Эроннинг фавқулодда ва мухтор элчиси Баҳман Оғорозий Дўрмонийни қабул қилди, дея хабар берди ТИВ матбуот хизмати.

Вазир элчини қутлар экан, уни Ўзбекистондаги тўрт йиллик миссияси муваффақиятли якунлаётганлиги билан табриклади ҳамда унинг фаолияти самарали бўлгани ва Ўзбекистон-Эрон муносабатларини мустаҳкамлаш ва кенгайтиришга хизмат қилганини қайд этди. Савдо-иқтисодий, инвеститсион алоқалар ва маданий-гуманитар алмашинувлар фаоллашди.

Баҳман Оғорозий Дўрмоний 2015 йилнинг кузида Эроннинг Ўзбекистондаги элчиси этиб тайинланган эди.