28 август куни Ўзбекистон ташқи ишлар вазири Абдулазиз Камилов Буюк Британия ва Шимолий Ирландия Бирлашган Қироллигининг фавқулодда ва мухтор элчиси этиб тайинланган Тимоти Торлотни қабул қилди, дея хабар берди ТИВ матбуот хизмати.
Элчи ишонч ёрлиқлари нусхасини топширди.
Бўлиб ўтган суҳбат чоғида Ўзбекистон — Буюк Британия ҳамкорлигини янада ривожлантиришнинг ҳозирги ҳолати ва истиқболли йўналишлари муҳокама қилинди.
Икки томонлама муносабатларнинг динамик характери ва Ўзбекистон ҳукумат делегациясининг 9−12 июль кунлари Лондонга қилган ташрифининг самарали якунлари мамнуният билан қайд этилди.
Учрашувда Ўзбекистон ва Буюк Британиянинг сиёсий, савдо-иқтисодий, инвеститсия, маданий-гуманитар ва бошқа соҳалардаги ҳамкорликни ривожлантириш учун мавжуд улкан салоҳиятни рўёбга чиқаришдан манфаатдорлиги тасдиқланди.
Тимоти Торлот 1981 йилдан буён дипломатик хизматда фаолият кўрсатмоқда. Буюк Британиянинг Уммон, Янги Зеландия, Чили, Ироқ (элчи ўринбосари) ва Ямандаги (элчи) элчихоналарида ишлади, шунингдек, ТИВ тузилмасида турли лавозимларни эгаллади. 2016 йилдан Арабистон ярим оролидаги бўлими ҳамда Эрон Форин-офисида меҳнат қилди.
