22 август куни Ўзбекистон ташқи ишлар вазири Абдулазиз Камилов Франциянинг мамлакатдаги фаолиятини якунлаётган Фавқулодда ва Мухтор Элчиси Виолен Биет де Вилморни қабул қилди, дея хабар берди ТИВ матбуот хизмати.
Суҳбат чоғида вазир элчининг муваффақиятли фаолиятини юқори баҳолади ва унинг икки томонлама муносабатларни янада ривожлантириш борасидаги саъй-ҳаракатлари учун миннатдорчилик билдирди.
Шунингдек, Абдулазиз Камилов Франция элчихонаси ва шахсан Виолен Биет де Вилморнинг Ўзбекистондаги муҳим ижтимоий аҳамиятга эга лойиҳаларни амалга оширишда қўллаб-қувватлаганини қайд этди.
Виолен Бийет де Вильмор 2016 йилнинг кузида Франция элчиси этиб тайинланган эди.
