Ўзбекистон Соғлиқни сақлаш вазирлиги 15 август куни тиббий ёрдам давлат бюджети ҳисобидан кўрсатиладиган касалликлар рўйхатини тасдиқлади. Буйруқ Адлия вазирлиги томонидан рўйхатга олиниб, кучга кирди.
Адлия вазирлиги матбуот хизматининг хабар қилишича, рўйхат 6 тоифа ва 131 гуруҳдаги касалликлардан таркиб топган:
- 18 ёшгача болалар касалликлари — муковисцидоз, атопик дерматит, болалар церебрал параличининг турли шакллари;
- патологияли хомиладор аёллар хасталиклари — ҳомила тушиши, глаукома, коллагеноз, сил ва бошқалар;
- эндокрин тизими касалликлари — гипертиреоз, ҳомиладор аёлларда 1-тур кандли диабет (24 ҳафтагача) ва бошқалар;
- дерматовенеролок хасталиклари — псориаз, витилиго, криптококкоз ва бошқалар;
- фтизиатрия ва пульмонология — кавернали сил, фиброз кавернали сил, бронхоэктатик касаллик ва бошқалар;
- саратон касалликлари — меланома, периферик нерв хавфли ўсмалари ва бошқалар.
Бепул тиббий ёрдам олиш учун беморлар тиббиёт муассасаси йўлланмасини олишлари керак.
