Ўзбекистон Марказий банки хорижий валюталарнинг ўзбек сўмига нисбатан янги курсларини белгилади. Улар жума, 16 августдан кучга киради.
АҚШ доллари 179 сўмга қимматлашиб, 9061 сўмни, евро эса 163,84 сўмга қимматлаб 10092,14 сўмга етган бўлса, Россия рубли 2,09 сўмга ошиб, 138,47 сўмни ташкил этди.
Июлнинг иккинчи ярмидан буён доллар курсининг кескин ошиши кузатилмоқда. Марказий банк иккинчи ҳафтадирки кетма-кет икки мартадан валюталар курсини янгиламоқда (авваллари курслар фақат сешанба кунлари янгиланар эди).
Яқинда Марказий банк сўмнинг долларга нисбатан курсининг кескин тушишини Ўзбекистоннинг асосий савдо ҳамкорлари бўлган давлатлар миллий валютасининг кучсизлангани ҳамда импортчи компаниялар томонидан хорижий валютага бўлган талабнинг ошгани билан изоҳлади.
