26 августдан UzAuto Motors заводларида ҳар йиллик режали профилактика ишларини ўтказиш бошланади, дея хабар қилди компания. Автомобилларни ишлаб чиқариш 23 сентябргача тўхтатилади.
Профилактика ишлари аввал имзоланган шартномалар бўйича автомобилларни етказиб бериш жадвалига таъсир кўрсатмайди. Барча шартномалар ўз вақтида ва тўлиқ ҳажмда бажарилади, дейилади хабарда.
Бир ой давомида асосий ва ёрдамчи технологик ускуналар, қурилмалар, коммунал хзжалик, муҳандислик-коммуникация тармоқлари профилактик кўрикдан ўтказилиб, модернизация қилинади ва техник хизмат кўрсатилади, шунингдек режали таъмир ишлари олиб борилади.
