Ўзбекистонда шоли ҳосилини ошириш учун Жанубий Кореянинг Tong Yang Moolsan компаниясининг PF-48 плантаторлари ёрдамида кўчат экиш усулидан фойдаланиш режалаштирмоқда. Мазкур технология уруғларни 75 фоизгача иқтисод қилиш, сувни эса 25 фоизгача тежашга имкон беради, дея хабар қилди Қишлоқ хўжалиги вазирлиги матбуот хизмати «Газета.uz"га.
Шоличилик илмий-тадқиқот институти директори Маъсуд Сатторовнинг қайд этишича, бугунги кунда бир гектар ерга ўртача 12 соатда уруғ қадалса, эндиликда қўл бошқарувидаги машина ёрдамида бир гектар ерга 1−2 соатда шоли экиш мумкин бўлади.
«Шоли кўчатларини экиш уруғ экишдан анча самарали. Бугун 95 фоиз шоли ҳосили кўчат экиш усулида етиштирилмоқда», — деди у.
Жорий йилда республикада 114 минг гектар майдонга шоли экиш режалаштирмоқда. Ушбу майдонларнинг 57,9 минг гектари асосий экин майдонлари бўлса, 56,1 минг гектари ғалла экинларидан бўшаган ерлардир, дея қайд этди матбуот хизмати.
