«Сурхон» жамоаси сафига келиб қўшилган украиналик легионер Микола Агапов ҳужжатлар билан боғлиқ муаммони ҳал қила олмаганлиги сабабли футболчи билан дўстона хайрлашилди. Бу ҳақда Championat.asia хабар берди.
Трансфер ойнаси ёпилишига оз вақт қолганда «Сурхон» раҳбарияти шу куннинг ўзида жамоа кўригида бўлиб турган Дуглас До Насименто Тругило ва Лукас Оливейра Де Кунья билан шартнома имзолади.
Лукас кеча жамоа билан Термизга парвоз қилди ва кечки машғулотларда иштирок этди. Дуглас айни пайтда Украина давлатида бўлиб турибди. Виза билан боғлиқ муаммо ҳал этилса, у ҳам кубок баҳсида «Локомотив» жамоасига қарши майдонга тушиши мумкин.
