2019 йил 11 июль куни тахминан соат 16:00 да «Пахтакор» метро бекатида 1961 йилда туғилган фуқаро К.В. темир йўл изларига йиқилиб тушган. Бу ҳақда «Ўзбекистон темир йўллари"нинг телеграм канали орқали хабар берилди.
Станция ходимларининг тезкор хатти-ҳаракатлари оқибатида кекса аёл платформага ҳеч қандай жароҳатларсиз олиб чиқилди. У ўзини метрога тушган вақтида боши айланганлигини таъкидлади.
Мазкур ҳолат метрополитен поездларининг ҳаракат жадвалига таъсир кўрсатмаган.
Ўзбекистон синоптикларининг огоҳлантиришларини ҳисобга олган ҳолда, йўловчилардан эҳтиёт бўлишини ва организмнинг ҳаддан ташқари қизиб кетишига керакли чораларини кўришларини сўраймиз, дейилади хабарда.
