«Ўзтўқимачиликсаноат» уюшмаси тўқимачилик, тикувчилик ва трикотаж саноатини ривожлантириш тўғрисидаги президент қарори лойиҳасини жамоатчилик муҳокамаси учун эълон қилди.
Ички бозорни сифатсиз ва контрафакт маҳсулотлардан ҳимоя қилиш учун лойиҳада 2020 йил 1 январдан Ўзбекистонга тижорий мақсадларда олиб кирилаётган барча тайёр кийим-кечак ва тўқимачилик маҳсулотларини мажбурий сертификатлаш таклиф қилинмоқда.
Ҳужжат қабул қилинган тақдирда, божхона хизмати мамлакат ҳудудига текширувлар якунлари бўйича тақдим этилган мувофиқлик сертификати бўлмаган тайёр кийим-кечак ва тўқимачилик маҳсулотларининг эркин муомалага чиқарилишига йўл қўймаслик бўйича амалий чораларни қўллайди.
Ҳужжат лойиҳасида 2019−2025 йилларда умумий қиймати 927,5 млн долларлик юқори қўшилган қиймати экспортга йўналтирилган тайёр тўқимачилик ва кийим-кечак маҳсулотларини ишлаб чиқариш бўйича 119 та инвестицион лойиҳани амалга ошириш таклиф этилмоқда.
