Бугун Панамада Роман — Аҳмадалиев жангини ташкил этиш бўйича промоутерлик савдолари бўлиб ўтди. Бу ҳақда Olamsport.com сайти хабар берди.
Муроджон Аҳмадалиев билан ҳамкорлик қиладиган «Мир Бокса» кимошди савдонинг ягона иштирокчиси бўлди. Компания жанг учун 145 минг АҚШ доллари қўйди. Ушбу пулнинг 75 фоизини (108,75 АҚШ доллари) чемпион Роман олса, 25 фоизи (36,25 минг АҚШ доллари) даъвогар Аҳмадалиевга тушади. Бундан ташқари реклама, трансляция ва чипталар сотувидан ҳам қўшимча бонуслар бўлади.
Мазкур жангни ташкил этиш учун компания Тошкент, Лос-Анжелес ва Санкт-Петербург вариантларини кўриб чиқмоқда.
