Электр энергияси нархларини либераллаштириш — энергетикага инвестицияларни жалб қилишнинг ягона йўли, деди президент Шавкат Мирзиёев 21 июнь куни Ўзбекистон Олий Мажлиси Сенатининг 20-ялпи мажлисидаги нутқида.
«Биз бой давлатмиз, — деди у, — лекин ўз имкониятларимиздан тўғри фойдаланмаймиз».
Давлат раҳбари инвесторлар, масалан, БААлик сармоядорлар Ўзбекистонда энергетикани ривожлантиришга миллиардлаб доллар миқдорида ҳисса қўшишга тайёр экани, бироқ маҳсулот нархининг қанча бўлиши, уни ким сотиб олишини сўрамоқда.
«Биз нархларни оширишимиз керак. Агарда оширсак, инвесторлар келади. Агарда оширсак, бу кўплаб соҳалар, асосан аҳолига тааллуқли бўлади. Бу қийин, лекин биз буни қабул қилишимиз керак», — деди президент.
Ўтган йилнинг ноябрида режалаштирилганидек, 1 июндан табиий ва суюлтирилган газ ҳамда электр энергияси нархлари оширилиши керак эди. Бироқ ҳукумат ёқилғи-энергетика ресурсларини сотиш бўйича бозор механизмларига ўтишнинг истеъмолчиларга таъсирини юмшатиш мақсадида ушбу қарорни бекор қилди.
