Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси ва Миср қишлоқ хўжалиги ва мелиорация вазирлигининг Марказий ўсимлик карантини бошқармаси ўртасида Ўзбекистонда етиштирилган сарҳил узум ва гилос меваларини халқаро фитосанитар талабларига риоя қилган ҳолда экспорт қилиш бўйича келишув имзоланган эди.
Унга кўра гилос ва узум экспорт қилишнинг тартиб-қоидалари тасдиқланди.
Жумладан, эндиликда ўзбекистонлик экспортчилар:
— Миср Араб Республикасининг Қишлоқ хўжалиги ва мелиорация вазирлигининг ўсимликлар карантини бўйича Марказий Администрациясига маҳсулот ҳақидаги ахборотни ўз ичига олган онлайн ариза юбориш (ippc@capq.gov.eg манзилига);
— фитосанитар сертификатнинг «Қўшимча декларация» графасини инглиз тилидаги қуйидаги жумлалар билан тўлдириш «The consignment was inspected and found free from quarantine pests of the ministerial decree No. 562/2019»;
— экспорт маҳсулотини фитосанитар сертификатда белгилаб қўйилган, махсус рўйхатга олинган цехда қадоқлаш каби асосий фитосанитар талабларга амал қилган ҳолда Миср халқига ўз маҳсулотларини етказиб бериши мумкин бўлади.
Қўшимча қилиш жоизки, сарҳил узумни экспертга тайёрлаш жараёнида маҳсулот белгиланган ҳарорат ва шартларда 8−16 кун мобайнида қайта ишловдан ўтиши зарур.

"Газета.uz"да реклама