Ўзбекистон президенти Шавкат Мирзиёев Осиёда ҳамкорлик ва ишонч чоралари бўйича кенгашнинг бешинчи саммитида иштирок этиш учун Бишкекдан Душанбега жўнаб кетди, дея хабар қилди ЎзА.

Осиёда ҳамкорлик ва ишонч чоралари бўйича кенгашнинг бешинчи саммити «Хавфсиз ва янада равнақ топган минтақа сари ягона назар билан» мавзуси остида ўтади. Унинг ишида кенгашга аъзо ва кузатувчи мамлакатлардан, шунингдек, халқаро ва минтақавий ташкилотлардан 30 дан зиёд делегация иштирок этиши кутилмоқда.

Қирғизистон пойтахтида Шавкат Мирзиёев Шанхай ҳамкорлик ташкилоти Давлат раҳбарлари кенгашининг ўн тўққизинчи мажлисида иштирок этди. Мажлис якунлари бўйича 22 та ҳужжат имзоланди, улардан иккитаси Ўзбекистон томонидан таклиф этилган.