Ўзбекистонлик боксчи Бектемир Мелиқўзиев бугун АҚШда профессионал боксдаги дастлабки жангини ўтказди. Бу ҳақда Olamsport.com хабар берди.
Мазкур жангда Бектемирга аргентиналик Мартин Фидел Риос рақиблик қилди. Мелиқўзиев жангни фаол бошлади ва зарбалар сериясини уюштирди.
Ўзбекистонлик боксчи биринчи раунднинг ўзидаёқ кучли зарбаси эвазига рақибини чуқур нокаут ҳолатига туширди ва профессионал боксдаги фаолиятини чиройли ғалаба билан бошлади.
Ушбу жанг Бектемир Мелиқўзиев учун дебют бўлган бўлса, Риос учун проф рингдаги 47-баҳс эди. Унинг проф рингдаги кўрсаткичи бугунги натижа билан қўшиб ҳисоблаганда 23 та ғалаба (13 та нокаут), 20 та мағлубият (5 та нокаут) ва 4 та дурангни ташкил қилади.
