Кеча Москва шаҳрида бокс кечаси бўлиб ўтди. Унда ўзбекистонлик боксчи Шоҳжаҳон Эргашев проф рингдаги 17-жангини россиялик Максим Чурбановга қарши ўтказиб, баҳснинг учинчи раундида рақибини нокаутга учратди. Бу ҳақда Olamsport.com хабар берди.

Эслатиб ўтамиз, аслида Эргашев бугун Пуэрто-Рико вакили Даниэлито Зорриллага қарши жанг ўтказиши керак эди. Зоррилла проф боксда 11 та жанг ўтказиб, уларнинг барчасида ғалаба қозонган (9 та нокаут)ди. Лекин бетоб бўлиб қолганлиги боис Зорилла Москвага етиб кела олмади.

Шоҳжаҳоннинг бугунги рақиби россиялик 32 ёшли Максим Чурбанов фаолияти давомида жами 14 та жанг ўтказган. Ҳисобида 8 ғалаба, 4 мағлубият ва бир дуранг бор эди. Бугун у бешинчи мағлубиятини қабул қилиб олди.