GM Uzbekistan компанияси учта янги моделни ишлаб чиқаришни ўзлаштириш ҳамда маҳаллийлаштириш даражасини 50 фоизга етказишни режалаштирмоқда, дея хабар қилди «Ўзбекистон 24» телеканалининг «Янгиликлар 24» дастури президент Шавкат Мирзиёевнинг Андижон вилоятига ташрифи якунларига бағишланган репортажида.
Репортажда «Ўзавтосаноат» раиси Шавкат Умурзоқов президентга Chevrolet Equinox ва Chevrolet Traverse кроссоверлари ҳамда Chevrolet Trailblazer йўлтанламасини таништираётгани акс эттирилган. Асакадаги заводни модернизация қилиш лойиҳасининг қиймати 500 млн долларга баҳоланмоқда.
Аввалроқ «Ўзавтосаноат» кроссоверлар сегментида янги автомобилларни ишлаб чиқариш режалаштираётганини маълум қилган эди. Captiva модели эса ўтган йилнинг кузида ишлаб чиқаришдан олинди.
