Божхоначилар товар-моддий бойликларни божхона чегараларидан ноқонуний олиб ўтилиши ҳолатининг олдини олишди. Бу ҳақда Давлат божхона қўмитаси матбуот хизмати хабар берди.
Жумладан, «Тошкент-Аэро» ихтисослаштирилган божхона комплекси Контрабанда ва божхона қонунчилиги бузилишига қарши курашиш бўлими ходимлари томонидан «Сеул-Тошкент» йўналиши бўйича учиб келган фуқаролар И.А. ва О.А. белгиланган тартибда божхона назоратидан ўтказилди.
Натижада, ушбу шахсларнинг юклари орасидан декларацияда кўрсатилмаган ва божхона ходимларининг оғзаки сўровида маълум қилинмаган умумий қиймати 37 миллион сўмлик 150 дона сифати кафолатланмаган аёллар косметика воситалари, 600 дона автомашина ёритгичлари, 68 дона қўл телефони, 7 дона планшет ва 17 дона ноутбук ва бошқа товарлар борлиги аниқланди.
Ҳозирда юқоридаги ҳолат юзасидан божхона текширувлари давом эттирилмоқда.
