UFC президенти Дана Уайт яна Конор МакГрегор ҳамда Дональд Серроне ўртасидаги жангни ташкил қилиш ҳақида ўйламоқда. Бу ҳақда Olamsport.com хабар берди.
«Режа бўйича яқин орада Конор билан учрашамиз. Ўйлайманки, унда биз келажак бўйича аниқ бир қарорга келамиз.
Ўйлайманки, Ковбойга қарши жангнинг аҳамияти бор. Бу қизиқ ғоя. Бизда Конор учун бир неча вариант бор. Унинг ўзи Серроне билан жанг қилиш истаги борлиги ҳақида гапирган.
Ҳозир у нима ҳақида ўйлаётганини билмайман, аммо ушбу жанг ўзига хос аҳамиятга эга", — деди Уайт.
Эслатиб ўтамиз, 26 март куни спортчи ижтимоий тармоқдаги саҳифаси орқали ММАдаги фаолиятини якунлагани ҳақида эълон қилганди.
