Ўзбекистон Адлия вазирлиги суд томонидан экстремистик ташкилот сифатида тан олинган ташкилотлар рўйхатини эълон қилди. Улар фаолияти Ўзбекистон ҳудудида тақиқланган, дея хабар берди Адлия вазирлиги матбуот хизмати.
2018 йил 30 июлдаги «Экстремизмга қарши курашиш тўғрисида"ги Қонунининг 14-моддасига мувофиқ, Ўзбекистон Республикасида ташкилотни экстремистик ташкилот деб топиш суд тартибида амалга оширилади.
Ўзбекистон Олий судининг 12 мардаги ҳал қилув қарорига кўра интернет жаҳон ахборот тармоғининг «najot.info» ва «hizb-uzbekiston.info» веб-сайтлари ҳамда «Facebook», «Youtube» ва «Telegram» ахборот ресурслари ва ижтимоий тармоқлардаги қуйидаги номлардаги профиль, канал ва саҳифалари экстремистик ва террористик деб топилди.
№ | Профиль, канал ва саҳифаларнинг номи |
1 | «Абу Салоҳ дарсликлари» |
2 | «Жаннат ошиқлари» |
3 | «Шом овози» |
4 | «Тавҳид ва жиҳод» |
5 | «Islam Abu Khalil» |
6 | «Полвон Новқатлик» |
7 | «Соҳиб Маҳмудов» |
8 | «Фарруҳбек Абдуллаев» |
9 | «Мамараҳимов Абдураҳим Миркомилович» |
10 | «Мухожир Полвон» |
11 | «Abu Aisha» |
12 | «Turkiston» |
13 | "Хуррият инфо" |
14 | «Нажот» |
15 | "ал-Ваъй" |
16 | "Роя" |
17 | "Usulul fiqh" |
18 | «Mustalahul hadis» |
19 | «Darslardan qisqa lavhalar» |
20 | «Fiqh ahkomlari» |
21 | «Tavhid darsi» |
22 | «Qiyomatdan avvalgi fitnalar» |
23 | «Savol va javoblar» |
24 | «Foida Mp3» |
25 | «Foida va qoidalar» |
26 | «Tafsir darslari» |
27 | «Talbisu iblis darslari» |
28 | «Islomni buzuvchi amallar darslari» |
29 | «Nomoz va benomozga taluqli masalalar» |
30 | «Ayollar darslari silsilasi» |
31 | «Aqiyda darslari» |
32 | «Silsilaviy darslar va ma’ruzalar» |
33 | «Muhim darslar» |
34 | «Aqiydatul vositiya» |
35 | «Mustalahul hadis» |
36 | «Alfatx» |
37 | "Talabalar uchun darslar" |
38 | «АЛЪ-ФАТҲ ТВ» |
39 | «DA'VAT UZ» |
40 | «HIDOYAT TV» |
Ташкилотни экстремистик ташкилот деб топиш тўғрисидаги ариза Ўзбекистон бош прокурори томонидан Ўзбекистон Олий судига берилади. Қайси ташкилотларга нисбатан суднинг уларни экстремистик ташкилот деб топиш ва Ўзбекистон ҳудудида уларнинг фаолиятини тақиқлаш тўғрисидаги қонуний кучга кирган қарори мавжуд бўлса, ўша ташкилотларнинг рўйхати Ўзбекистон Адлия вазирлиги ва Олий судининг расмий веб-сайтларида эълон қилиниши лозим.
Ўзбекистон Республикасининг 2018 йил 30 июлдаги «Экстремизмга қарши курашиш тўғрисида"ги Қонунининг 11-моддасига мувофиқ, Ўзбекистон Республикасининг ҳудудига экстремистик материалларни, экстремистик ташкилотларнинг атрибутлари ва рамзий белгиларини олиб кириш, тайёрлаш, сақлаш, тарқатиш ва намойиш этиш, шунингдек уларни оммавий ахборот воситаларида ёхуд телекоммуникация тармоқларида, шу жумладан Интернет жаҳон ахборот тармоғида тарқатиш ва намойиш этиш тақиқланади.
Шунингдек, мазкур моддага кўра, Ўзбекистон ҳудудига олиб кирилаётган, тайёрланаётган, сақланаётган, тарқатилаётган ва намойиш этилаётган, шунингдек оммавий ахборот воситаларида ёки телекоммуникация тармоқларида, шу жумладан Интернет жаҳон ахборот тармоғида тарқатилаётган ва намойиш этилаётган материаллар қонун ҳужжатларида белгиланган тартибда экстремистик материаллар деб топилади.
