«Ўзнефтгаз» компанияси ва Хитойнинг CNPC корпорацияси иштирокидаги «Мингбулоқнефтгаз» қўшма корхонаси Наманган вилоятидаги Мингбулоқ конидан биринчи нефтни қазиб олди, дея хабар қилди Ўзбекистон Энергетика вазирлиги.

Вазирлик маълумотларига кўра, қудуқнинг жуда чуқурлиги (6000 метр ва ундан ортиқ), пласт босими (115 МПадан ортиқ) ва пласт ҳароратнинг (Цельсий бўйича 168 даражадан зиёд) юқори экани Мингбулоқ конини ўзлаштиришда асосий қийинчиликларни туғдирмоқда.

Ўзбекистондаги конни ўзлаширишда СNPC Хитойнинг Тарим ботиғидаги шу каби конни ўзлаштиришда орттирган тажридасидан фойдаланмоқда, дея аниқлик киритди вазирлик.

2011 йил октябрда CNPC ва «Ўзбекнефтгаз» Мингбулоқ конини биргаликда ўзлаштириш бўйича асосий ҳамкорлик тамойиллари тўғрисидаги битимни имзолаган эди.

Хитой компанияси лойиҳавий қуввати йилига 200 минг тоннага нефтни ташкил этувчи конни ўзлаштиришга 255,3 млн доллар сармоя киритишни режалаштирмоқда.

Мингбулоқ кони 1992 йилда очилган эди. «Ўзнефтгаз» маълумотларига кўра, коннинг қазиб олинадиган жами захираси 2 млн тоннага яқинроқни ташкил этади.