Ўзбекистон Миллий гвардияси ҳамда Хитой Халқ қуролланган милицияси ўртасида Жиззах вилояти «Фориш» полигонида «Ҳамкорлик-2019» аксилтеррор ўқув-амалий машғулотлари бўлиб ўтмоқда, дея хабар қилди Миллий гвардия матбуот хизмати «Газета.uz"га.
Миллий гвардия бошқарма бошлиғи полковник Шуҳрат Ғаниевнинг маълум қилишича, машғулотлар уч босқичда ўтказилади: 1-босқич — якка тартибдаги тайёргарлик, 2-босқич — гуруҳ таркибидаги ва 3-босқич — взводлар тайёргарлиги. Ҳарбий-ўқув машғулотларининг давомийлиги тахминан икки ҳафта бўлади.
Меҳмонлар экстремал шароитларда Миллий гвардия техникалари ва қуролари билан танишди. Хитой Халқ қуролланган милициясига қўл жанги ва мотоциклларни бошқариш маҳорати намойиш этилди.
Фото
