Сурхондарё вилоятига сафар қилган Ўзбекистон Республикаси президенти Шавкат Мирзиёев Бойсун туманига ташрифи чоғида кекса авлод вакиллари, туман фахрийлари билан учрашув ўтказди. Бу ҳақда президент матбуот хизмати хабар берди.
Самимий суҳбатда Ўзбекистон, жумладан, Сурхондарё вилояти ва Бойсун туманини янада ривожлантиришга инвестициялар жалб этиш борасида амалга оширилаётган ишлар, ҳудуддаги муҳим ижтимоий-иқтисодий лойиҳалар, халқимиз турмуш даражасини ошириш ва ёшлар маънавиятини юксалтириш масалаларига алоҳида эътибор қаратилди.
Иқтисодиётни ривожлантириш баробарида маънавият ва маданият соҳаларига эътиборни кучайтириш, бахшичиликни янада кенг тарғиб этиш лозимлиги таъкидланди.
