Ўзбекистонлик аралаш қоидалар (ММА) жангчиси Маҳмуд Муродов Чехиянинг XFN промоушени билан келишувни бекор қилди. Бу ҳақда Olamdport.com сайти хабар берди.
Аввалига у 7 июнь куни O2 аренасида мезбон спортчи Кинглга қарши жанг қилиши лозим эди. Аммо, спортчи бугун ижтимоий тармоқдаги саҳифасида ушбу жанг бекор қилинганини ҳамда эндиликда XFN билан бирга ишламаслигини маълум қилди.
«Афсуски, XFN’даги навбатдаги жангим бекор қилинди. XFN ўз сўзида турмади ва келишув шартларига амал қилмади. Бугунги кундан бошлаб мен эркин жангчиман. Яқин 10−20 кун ичида қайси ташкилотда фаолиятимни давом эттиришимни маълум қиламан. Ушбу жангни кутган мухлисларимдан кечирим сўрайман», — деб хабар қолдирди Маҳмуд Муродов ижтимоий тармоқдаги саҳифасида.
