Американинг Stratolaunch Systems компанияси шанба куни дунёдаги энг улкан Stratolaunch самолётининг илк синов парвозини амалга оширди. Ҳаво кемасининг илк парвози Калифорниянинг (АҚШ) Мохаве саҳроси устида бўлиб ўтди, дея хабар қилди компания сайти.
Самолёт энг юқори 304 км/с тезликда 5 километр баландликка кўтарилди. 2,5 соат давом этган парвоз вақтида учувчилар самолётнинг учиш-техник хусусиятлари ва унинг бошқарувчанлигига баҳо берди.
Stratolaunch орбитага сунъий йўлдошларни олиб чиқиш учун мўлжалланган ташувчи ракеталарни учиришга хизмат қилади.
Stratolaunch Systems — 2011 йилда Microsoft асосчиларидан бири Пол Аплен томонидан ташкил этилган аэрокосмик компания бўлиб, юкларни коинотга олиб чиқиш учун авиацион-космик тизимларни ишлаб чиқишга ихтисослашган.
