Гулнора Каримованинг швейцариялик адвокати Грегуар Манжа (Grégoire Mangeat) Тошкент вилоятидаги Зангиота аёллар колониясида у билан учрашди. Бу ҳақда Ўзбекистон Бош прокуратурасидан «Газета.uz"га хабар қилинди.
Адвокат твиттерда 1 ва 2 апрель кунлари мижози билан учрашишга ҳаракат қилаётгани ҳақида ёзди.
#Karimova Just arrived at Zangiota women’s prison colony Nr. 21. Trying to obtain acceptable conditions for our client’s meeting.
— Grégoire Mangeat (@GregoireMangeat) 1 апреля 2019 г.
#Karimova Zangiota women’s prison colony Nr. 21. Second day. pic.twitter.com/BpluMNGyDO
— Grégoire Mangeat (@GregoireMangeat) 2 апреля 2019 г.
Бош прокуратурадан маълум қилинишича, учрашув 1 ва 2 апрель кунлари бўлиб ўтган, унинг самарали ташкил этилиши учун барча зарур шароитлар яратилган.
«Гулнора Каримованинг адвокат билан учрашуви жиноят-ижро қонунчилигида белгиланган меъёрлар доирасида бўлиб ўтди. Яъни, ҳеч қандай имтиёзли шартларсиз», — дея таъкидлади назорат маҳкамаси вакили.