Чирчиқ шаҳридаги Ўзбекистон давлат жисмоний тарбия ва спорт университети манежида оғир атлетика бўйича катталар ўртасида Ўзбекистон чемпионати якунланди. Бу ҳақда МОҚ матбуот хизмати хабар берди.
Мусобақанинг сўнги кун дастурида эркаклар ўртасида оғир вазн тоифаларида ғолиб ва совриндорлар номи аниқлаб олинди. Кутилганидек, кўплаб нуфузли мусобақалар ғолиби ва совриндори бўлган Акбар Жўраев, Рустам Жангабаев каби полвонлар ўз вазнларида тенгсиз эканликларини исботлади.
Ғолиб бўлган спортчилар ва уларнинг қайд этган натижалари билан танишинг:
-81 кг:
1. Сарварбек Зафаржонов (Тошкент вилояти) — 340 кг (151 кг +189 кг)
-89 кг:
1. Зайнобиддин Муҳаммадаминов (Наманган) — 338 кг (156 кг + 182 кг)
-96 кг:
1. Суннат Ўсаров (Тошкент вилояти) — 367 кг (170 кг + 197 кг)
-102 кг:
1. Умар Шоҳназаров (Сурхондарё вилояти) — 326 кг (146 кг + 180 кг)
-109 кг:
1. Акбар Жўраев (Тошкент вилояти) — 398 кг (181 кг + 217 кг)
+109 кг:
1. Рустам Жангабаев (Қорақалпоғистон) — 440 кг (200 кг + 240 кг)
Мусобақа якунида барча вазн тоифаларида совриндор бўлган спортчиларга диплом ва эсдалик совғалари топширилди. Шунингдек, Ўзбекистон чемпиони унвонига сазовор бўлган спортчилар терма жамоанинг асосий таркибидан жой олишди. Айнан улар йил давомида бўлиб ўтадиган Осиё ва жаҳон чемпионати каби йирик мусобақаларда Ўзбекистон шарафини ҳимоя қилади.
