Профессионал боксда фаолият олиб бораётган ўзбекистонлик боксчи Шаҳрам Ғиёсов 26 апрель куни ўзининг навбатдаги жангини америкалик Эммануэль Тэйлорга қарши ўтказади. Бу ҳақда МОҚ матбуот хизмати хабар берди.
Мазкур баҳс 10 раундга мўлжалланган бўлиб, Шаҳрам интерконтинентал камари учун рингга кўтарилади. Бўлажак бокс кечаси АҚШнинг Лос-Анжелес шаҳрида бўлиб ўтиши белгиланган.
Эслатиб ўтамиз, Шаҳрам Ғиёсов шу пайтгача профессионал боксда еттита жанг ўтказиб, уларнинг барчасида ғалаба қозонган ва 6 бор рақибларини нокаутга учратган.
