Ўзбекистонлик профессионал боксчи Исроил Мадримов 9 март куни АҚШда ўзининг профессионал боксдаги иккинчи жангини ўтказади. Бир неча соат аввал Исроилнинг рақиби аниқ бўлди. Бу ҳақда МОҚ матбуот хизмати хабар берди.
Унга кўра, Мадримов венесуэлалик Фрэнк Рохасга қарши рингга чиқадиган бўлди. Маълумот учун, Фрэнк шу пайтгача профессионал боксда 26 марта рингга кўтарилиб, 24 бор зафар қучган. Ғалабаларининг 23 тасида рақибини нокаутга учратган ва 2 бор мағлуб бўлган.
Исроил Мадримов айни дамда «WBA» йўналиши бўйича жаҳон рейтингининг тўққизинчи поғонасида турибди.
