Малика Рим бинт Бандар Саудия Арабистонининг АҚШдаги элчиси лавозимига тайинланган илк аёл бўлди. Бунга қадар у Спор бош федерацияси раҳбари лавозимида ишлаган, дея хабар беради РИА Новости.
Малика шу кунга қадар элчи сифатида ишлаган Холид ибн Салмон эса қирол фармони билан мудофаа вазири ўринбосари лавозимига тайинланди. Мудофаа вазири унинг акаси — валиаҳд шаҳзода Муҳаммад ибн Салмондир.
SPA агентлиги хабарига кўра, бу борада қирол Салмон ибн Абдулазизнинг фармони эълон қилинган. Шундай қилиб, у Саудия Арабистонининг илк аёл элчиси бўлди.
Малика Рим 1983−2005 йиллар орасида Вашингтондаги дипмиссияга бошчилик қилган шаҳзода Бандарининг қизидир. У АҚШда тарихий меросни асраш йўналиши бўйича таҳсил олган. 2014 йилда Forbes журнали версиясига кўра араб дунёсидаги энг нуфузли 200 аёл рўйхатига киритилган.
