Тошкент халқаро аэропорти божхона хизмати ходимлари томонидан «Истамнйбул-Тошкент» йўналиши бўйлаб учиб келган фуқаро Б.Г. божхона ходимларининг эътиборини тортди. Бу ҳақда Давлат божхона қўмитаси матбуот хизмати хабар берди.

Натижада у белгиланган тартибда шахсий кўрикдан ўтказилганида, ички кийимлари ичига яширилган, олиб кириш меъёридан ортиқ бўлган 100 гр қимматбаҳо металл ва тошлардан ясалган заргарлик буюмлари борлиги аниқланди.

Амалдаги тартибларга кўра, қимматбаҳо металл ва тошлардан ясалган заргарлик буюмларини божхона тўловларини тўламасдан олиб кириш меъёри 65 граммга тенг бўлиб, ушбу меъёрдан ортиқ қисми эса албатта йўловчи божхона декларациясида кўрсатилиши шартлиги белгилаб қўйилган.

Ҳозирда ушбу ҳолат юзасидан текширув ишлари олиб борилмоқда.