Осиё футбол конфедерацияси (AFC) Интизом ва одоб-ахлоқ қўмитаси Ўзбекистон терма жамоасини ярим ҳимоячиси Одил Аҳмедовга нисбатан Осиё Кубогининг 1/8 финалида Австралия билан учрашувдан сўнг қисқа интервьюни ўтказиб юборгани учун 10 минг долларлик жарима тайинланди. Бу ҳақда AFC расмий сайтида хабар қилинди.
21 январь куни БААда бўлиб ўтган учрашув асосий қисми 0:0 ҳисобида якунланиб, пенальтилар сериясида Австралияликлар 4:2 ҳисобида ғалаба қозонган эди. Ушбу ўйинда Одил Аҳмедов 120 дақиқа майдонда сардорлик боғичи билан ўйнаган.
Футболчи мусобақа регламентидан ўрин олган ўйиндан кейинги мажбурий қисқа интервьюда кўриниш бермаган.
AFC қарорига кўра, Ўзбекистон термаси сардори қарор қабул қилинганидан 30 кун ичида жаримани тўлашиш лозим. Ҳужжатда такрорий қоидабузарлик учун янада жиддий чоралар қўлланилиши қайд этиб ўтилган.
