Отабек Анварович Назиров Капитал бозорини ривожлантириш агентлиги директори этиб тайинланди. Бу ҳақда «Ўзбекистон 24» телеканали «Ахборот 24» дастури хабар қилди.

Давлат рақобат қўмитаси уч қисмга бўлинганидан сўнг агентлик қимматли қозоғлар бозори, корпоратив бошқарув ва фонд биржалари фаолиятини назорат қилиш бўйича ваколатларга эга бўлди.

Отабек Назиров (1975 йилда туғилган) АҚШдаги Нью-Йорк университетини тамомлаб, макроиқтисодиёт мутахассислигига эга бўлган. АҚШдаги Goldman Sachs Group, The Avascent Group, JPMorgan Chase, Россиядаги «Тройка Диалог» ва МДМ-Банк каби компания ва муассасаларда фаолият кўрсатган.

2018 йилнинг майидан июнига қадар инновацион ривожланиш вазири ўринбосари, бугунги кунга қадар — халқ таълими вазири ўринбосари лавозимларида ишлади.