Самарқанд шаҳрида фаолият юритаётган «Azia metall prof» МЧЖда металл қувурлар ишлаб чиқаришни йўлга қўйиш учун 3 миллион 300 минг доллар инвестиция киритилди. Лойиҳани амалга ошириш учун1 миллион 850 минг АҚШ доллари миқдорида хорижий инвестиция жалб қилинди. Бу ҳақда «Зарафшон» газетаси сайтида хабар берилди.
Айни пайтда корхонада иккита цех фаолият юритмоқда. Хитойнинг «Urumqi Tongyale International Trade Co., Ltd» компанияси билан тузилган ҳамкорлик меморандумига мувофиқ, ўтган йили металл қувурлар ва сендвич панеллар ишлаб чиқариш цехларини ишга туширилди. Металл қувур ишлаб чиқариш цехининг йиллик қуввати 30 минг тонна. Сендвич панел ишлаб чиқариш цехида ойига 30 минг квадрат метр маҳсулот тайёрланмоқда. Ҳар икки цехда 100 нафардан ортиқ ишчи меҳнат қилмоқда.
Айни пайтда учинчи цех қурилиши давом этмоқда. Хорижлик ҳамкорларнинг 16 миллион 500 минг АҚШ доллари қийматидаги инвестицияси иштирокида махсус ишлов берилган қурилишбоп металл профил ишлаб чиқариш йўлга қўйилади.
