Ўзбекистон терма жамоаси 8−12 январь кунлари Жакартада бўлиб ўтган велоспортнинг трек йўналиши бўйича Осиё чемпионатида еттита медални (тўртта бронза, иккита кумуш ва битта олтин) қўлга киритди, дея хабар қилди Велоспорт федерацияси Facebook ижтимоий тармоғида.
Ольга Забелинская 1 та олтин, 1 та кумуш ва 1 та бронза медаллари соҳибасига айланган бўлса, Янина Кускова 1 та кумуш ва 1 та бронза медалига сазовор бўлди. Мурод Холмуродов эса 1 та бронза медалига эга чиқди. Жуфтлик пойгасида О.Забелинская ва Е.Кнебелева кумуш медалига сазовор бўлишди!
Мусобақалар спортчиларга 2020 йили Токиода бўлиб ўтадиган 32-ёзги Олимпия ва 16-Паралимпия ўйинларида иштирок этиш учун рейтинг балларини тақдим этади.
Жамоани чемпионатга мураббий Вадим Шаехов тайёрлади. Терма жамоа таркибидан Ольга Забелинская, Алексей Фомовский, Данил Евдокимов, Муроджон Холмуродов, Екатерина Кнебелова ҳамда Осиё чемпионатида илк бор иштирок этаёган Янина Кускова ва Дмитрий Сирко ўрин олган.
